شاهنامه مونږ ته د یو شرافتمند او آزاد ملت څيره ښئي

ایکنا -  په اوسمهاله نړۍ کې  د فردوسي د شاهنامې د رول د بیاپېژندنې د ملی سمینار  علمي منشي  فرزاد قائمی وویل: د فردوسي شاهنامه یوازې یوه ملي شاهنامه  او پیژندپاڼه نه ده، بلکې زمونږ د هویت سند دی. دا کتاب یوه هینداره ده چې د یو شرافتمند او آزاد ملت څيره مونږ ته راښئي، داسې ملت چې هیڅکله ئې د پردیو په وړاندې سر ټيټ کړی نه دی.

ایکنانیوز له  خراسان رضوي  څخه راپور راکوي، د  اوسمهاله نړۍ په کچه د شاهنامې د رول د بیاپېژندنې د هغه ملي سمینار علمي منشي فرزاد قایمي، چې د سه‌شنبې په ماښام، د ۲۳ غوايي په مشهد کې په پردیسان هوټل کې ترسره شو، وویل: د فردوسي شاهنامه یوازې یو ملي شاهنامه او  پیژندپاڼه نه ده، بلکې زمونږ د هویت سند دی. دا کتاب یوه هینداره  ده چې د یو شرافتمند او آزاد ملت څیره مونږ ته  ښئي، دا سې ملت چې هیڅکله ی د پردیو په وړاندې سر ټيټ کړی نه دی. شاهنامه یوازې یو حماسي کتاب نه دی، بلکې د ایران د کلتور او تاریخ یوه خزانه ده.

هغه زیاته کړه: شاهنامه د ایران د تمدن له تاریخ سره تړلې ده، له پخوانیو زمانو څخه رانیولې له اسلامي نړۍ سره د اړیکو تر دورې پورې. د بهرنیانو په وړاندې د پارتیانو له مقاومت څخه نیولې د پهلوانانو تر حماسو پورې، ټول په دې کتاب کې تلپاتې شوي دي. د ایران کلتور او تاریخ په شاهنامه کې نغښتی دی، له اسلام څخه مخکې تر وروستئ دورې پورې، او د شاهنامې اصلي کرکټر، رستم، د ایرانیانو د مقاومت او پهلوانۍ سمبول دی.

په دوام کې، د مشهد والي سیدرضا حسینی وویل: د فارسی شعر او کلتور یو قیمتي میراث دی چې لوي فردوسي پکې لوړ مقام لري. هغه د پارسی شعر پلار، د پارسی شعر حکیم او د ایران په ادبیاتو کې یو روښانه ستوری دی. په دغه سمینار کې زما د  شتون  موخه د دغه ارزښتناکه پروګرام له چلوونکو څخه قدرداني او مننه ده.

https://khorasan.iqna.ir/fa/news/4282303